നെക്‌സോൺ ഇവിക്ക് വെല്ലുവിളിയായി പുതിയ അഞ്ച് ഇവികൾ

ഇന്ത്യയിൽ ഏറ്റവുമധികം വിറ്റഴിക്കപ്പെടുന്ന ഇലക്ട്രിക് എസ്‌യുവിയാണ് ടാറ്റ നെക്‌സോൺ ഇവി. ലോഞ്ച് ചെയ്തതിനുശേഷം ഈ ഇവിയുടെ 50,000ത്തിൽ അധികം യൂണിറ്റുകൾ വിറ്റഴിക്കപ്പെട്ടു. കൂടാതെ ഇത് സ്ഥിരമായി ഇവി വിൽപ്പന ചാർട്ടിൽ ഒന്നാമതാണ്. എങ്കിലും, ഇന്ത്യയിലെ ഏറ്റവും വലിയ ഒഇഎമ്മുകളായ മാരുതി സുസുക്കി, ഹ്യുണ്ടായ്, മഹീന്ദ്ര, കിയ, എംജി എന്നിവയിൽ നിന്ന് വരുന്ന അഞ്ച് പുതിയ മോഡലുകളുടെ വരവോടെ ഗെയിം മാറാൻ പോകുന്നു. വരാനിരിക്കുന്ന ടാറ്റ നെക്‌സോൺ ഇവി എതിരാളി എസ്‌യുവികളുടെ പ്രധാന വിശദാംശങ്ങൾ പരിശോധിക്കാം.

എംജി വിൻഡ്‌സർ ഇവി ലോംഗ്റേഞ്ച്
2025 ഏപ്രിലിൽ വിൻഡ്‌സർ ഇവിയുടെ ലോംഗ് റേഞ്ച് പതിപ്പ് പുറത്തിറക്കാൻ ജെഎസ്ഡബ്ല്യു എംജി മോട്ടോർ ഇന്ത്യ ഒരുങ്ങുന്നു. ഈ മോഡലിൽ 50kWh ലിഥിയം-അയൺ ബാറ്ററി ഉണ്ടായിരിക്കും, ഏകദേശം 460 കിലോമീറ്റർ മൈലേജ് നൽകും. ആഗോളതലത്തിൽ വിൽക്കപ്പെടുന്ന എംജ ZS ഇവിക്കും ഇതേ ബാറ്ററി പായ്ക്ക് കരുത്ത് പകരുന്നു. 50kWh DC ഫാസ്റ്റ് ചാർജർ ഉപയോഗിച്ച് 0 മുതൽ 80 ശതമാനം വരെ ചാർജ് ചെയ്യാൻ 46 മിനിറ്റും സ്റ്റാൻഡേർഡ് എസി ചാർജർ ഉപയോഗിച്ച് 16 മണിക്കൂറും എടുക്കും. 40.5kWh ബാറ്ററി പായ്ക്ക് പതിപ്പുള്ള ടാറ്റ നെക്‌സോൺ ഇവിയെ ഇത് വെല്ലുവിളിക്കും.

കിയ സിറോസ് ഇ.വി.
ഇന്ത്യൻ വിപണിയിൽ രണ്ട് മാസ്-മാർക്കറ്റ് ഇലക്ട്രിക് കാറുകൾ കിയ സ്ഥിരീകരിച്ചു. കാരൻസ് ഇവിയും സിറോസ് ഇവിയും ആണവ. ടാറ്റ നെക്‌സോൺ ഇവിയുടെ നേരിട്ടുള്ള എതിരാളിയായിരിക്കും രണ്ടാമത്തേത്. കിയ സിറോസ് ഇവിയുടെ പവർട്രെയിൻ വിശദാംശങ്ങൾ ഇപ്പോൾ ലഭ്യമല്ല. എങ്കിലും, ഇത് ഏകദേശം 450 കിലോമീറ്റർ റേഞ്ച് വാഗ്ദാനം ചെയ്യുമെന്ന് പ്രതീക്ഷിക്കുന്നു. അകത്തും പുറത്തും ചില ഇവി-നിർദ്ദിഷ്ട മാറ്റങ്ങൾ വരുത്താൻ സാധ്യതയുണ്ട്.

മാരുതി ഫ്രോങ്ക്സ് ഇവി
2025 ഏപ്രിലിലോ മെയ് മാസത്തിലോ ഇ വിറ്റാര മാരുതി സുസുക്കി അവതരിപ്പിക്കും. കമ്പനിയിൽ നിന്നുള്ള അടുത്ത മാസ്-മാർക്കറ്റ് ഇലക്ട്രിക് ഓഫറായിരിക്കും ഫ്രോങ്ക്സ് ഇവി, 2027 ൽ ഇത് റോഡുകളിൽ എത്തുമെന്ന് പ്രതീക്ഷിക്കുന്നു. നിലവിൽ, ഉൽപ്പന്നത്തെക്കുറിച്ച് ഔദ്യോഗിക വിവരങ്ങളൊന്നുമില്ല. എന്നിരുന്നാലും, മാരുതി ഫ്രോങ്ക്സ് ഇവി 49kWh ബാറ്ററി പായ്ക്ക് ഇ വിറ്റാരയുമായി പങ്കിടാൻ സാധ്യതയുണ്ട്. ഈ ബാറ്ററി 143bhp പവറും 192.5Nm ടോർക്കും നൽകുന്നു.

മഹീന്ദ്ര XUV3XO ഇവി
മഹീന്ദ്ര XUV3XO സബ്‌കോംപാക്റ്റ് എസ്‌യുവി ഉടൻ തന്നെ ഇലക്ട്രിക് രൂപത്തിൽ എത്തും. ഇതിന്റെ ഔദ്യോഗിക സവിശേഷതകൾ ഇതുവരെ വെളിപ്പെടുത്തിയിട്ടില്ല; എങ്കിലും, ഇലക്ട്രിക് എസ്‌യുവിയിൽ 35kWh ബാറ്ററി പായ്ക്ക് ഉണ്ടാകുമെന്ന് പ്രതീക്ഷിക്കുന്നു. XUV3XO ഇവിയിൽ വ്യത്യസ്തമായി രൂപകൽപ്പന ചെയ്‌ത ഗ്രിൽ, വലിയ സെൻട്രൽ എയർ ഇൻടേക്ക്, ഇവി ബാഡ്ജിംഗ്, പുതിയ അലോയ് വീലുകൾ എന്നിവ ഉണ്ടാകുമെന്ന് സ്പൈ ചിത്രങ്ങൾ വെളിപ്പെടുത്തുന്നു. മഹീന്ദ്ര XUV3XO ഇവിയുടെ ഇന്റീരിയർ ലേഔട്ടും സവിശേഷതകളും അതിന്റെ ഐസിഇ എതിരാളിക്ക് സമാനമാകുമെന്ന് പ്രതീക്ഷിക്കുന്നു.

ഹ്യുണ്ടായി വെന്യു ഇവി
ടാറ്റ പഞ്ച് ഇവിയെ നേരിടാൻ ഇൻസ്റ്റർ ഇവി, ടാറ്റ നെക്‌സോൺ ഇവിയെ വെല്ലുവിളിക്കാൻ വെന്യു ഇവി, ടാറ്റ ടിയാഗോ ഇവിയെ നേരിടാൻ ഗ്രാൻഡ് ഐ10 നിയോസ് ഇവി എന്നിവയുൾപ്പെടെ മൂന്ന് പുതിയ ഇലക്ട്രിക് എസ്‌യുവികൾ ഹ്യുണ്ടായി മോട്ടോർ ഇന്ത്യ ആസൂത്രണം ചെയ്തിട്ടുണ്ട്. മാസ്-മാർക്കറ്റ് ഇവികൾ കമ്പനി സ്ഥിരീകരിച്ചിട്ടുണ്ടെങ്കിലും അവയുടെ പേരുകളും സവിശേഷതകളും വെളിപ്പെടുത്തിയിട്ടില്ല. വരാനിരിക്കുന്ന ഇവി ശ്രേണിയിൽ മുകളിൽ പറഞ്ഞ ഉൽപ്പന്നങ്ങൾ ഉൾപ്പെടാൻ സാധ്യതയുണ്ട്. ഹ്യുണ്ടായി വെന്യു ഇവിയുടെ വിശദാംശങ്ങൾ ഇപ്പോൾ ലഭ്യമല്ല.