സി-എച്ച്ആർ പ്ലസ് ഇവി, bZ4X, ലെക്സസ് RZ എന്നിവ ഉൾപ്പെടെ മൂന്ന് പുതിയ ഇലക്ട്രിക് വാഹനങ്ങൾ ടൊയോട്ട യൂറോപ്പിൽ അവതരിപ്പിച്ചു. ടൊയോട്ട C-HR പ്ലസ് ഇലക്ട്രിക് എസ്‌യുവി 2025 ന്റെ രണ്ടാം പകുതിയിൽ യൂറോപ്പിൽ പുറത്തിറക്കാൻ പദ്ധതിയിട്ടിട്ടുണ്ട്. ഈ ബി-സെഗ്മെന്റ് ഇവി ഉയർന്ന റേഞ്ച്, പ്രായോഗിക ക്യാബിൻ, വലിയ ലഗേജ് സ്‌പേസ് എന്നിവ വാഗ്ദാനം ചെയ്യുമെന്ന് കമ്പനി അവകാശപ്പെടുന്നു. യൂറോപ്പിൽ വരാനിരിക്കുന്ന അർബൻ ക്രൂയിസർ ഇവിക്ക് മുകളിലായിട്ടായിരിക്കും ഇത് സ്ഥാനം പിടിക്കുന്നത്.
ഈ ഇലക്ട്രിക് എസ്‌യുവി രണ്ട് ബാറ്ററി ഓപ്ഷനുകളിൽ ലഭ്യമാണ് – 57.7 kWh ഉം 77 kWh ഉം. ചെറിയ ബാറ്ററി പാക്കിൽ 165hp റേറ്റുചെയ്ത സിംഗിൾ ഇലക്ട്രിക് മോട്ടോർ ഉണ്ട്. മറുവശത്ത്, 77 kWh മോഡലിൽ 2WD, AWD സജ്ജീകരണങ്ങളുണ്ട്. C-HR+ ന്റെ 2WD പതിപ്പ് 221hp പവർ വാഗ്ദാനം ചെയ്യുമെന്ന് അവകാശപ്പെടുന്നു, അതേസമയം ഡ്യുവൽ-മോട്ടോർ AWD പതിപ്പ് 338Nm സംയോജിത പവർ ഔട്ട്പുട്ട് വാഗ്ദാനം ചെയ്യുന്നു. 57.7kWh ബാറ്ററി പായ്ക്കുള്ള C-HR+ ഫുൾ ചാർജിൽ 455 കിലോമീറ്റർ ക്രൂയിസിംഗ് റേഞ്ച് വാഗ്ദാനം ചെയ്യുമെന്ന് അവകാശപ്പെടുന്നു. ഇത് 8.6 സെക്കൻഡിനുള്ളിൽ 0-100kmph വേഗത കൈവരിക്കുന്നു. 2WD സജ്ജീകരണവും 77kWh ബാറ്ററി പായ്ക്കുമുള്ള ഈ ഇലക്ട്രിക് എസ്‌യുവി ഒറ്റ ചാർജിൽ 600 കിലോമീറ്റർ വരെ മികച്ച റേഞ്ച് നൽകുമെന്ന് അവകാശപ്പെടുന്നു. ഈ മോഡൽ 7.2 സെക്കൻഡിനുള്ളിൽ നിശ്ചലാവസ്ഥയിൽ നിന്ന് 100 കിലോമീറ്റർ വേഗത കൈവരിക്കും. AWD പതിപ്പ് വെറും 5.2 സെക്കൻഡിനുള്ളിൽ 0-100 കിലോമീറ്റർ വേഗത കൈവരിക്കുമെന്ന് അവകാശപ്പെടുന്നു, കൂടാതെ പൂർണ്ണ ചാർജിൽ 525 കിലോമീറ്റർ വരെ സഞ്ചരിക്കാൻ കഴിയും.
എൽഇഡി ലൈറ്റിംഗ് സിസ്റ്റം, 14 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റ്, രണ്ട് വയർലെസ് സ്മാർട്ട്‌ഫോൺ ചാർജറുകൾ, കാലാവസ്ഥാ നിയന്ത്രണം, മൾട്ടി-കളർ, ആംബിയന്റ് ലൈറ്റിംഗ്, പനോരമിക് സൺറൂഫ്, ബ്ലൈൻഡ് സ്പോട്ട് മോണിറ്ററിംഗ്, അഡാപ്റ്റീവ് ഹൈ-ബീം ഹെഡ്‌ലൈറ്റുകൾ, പാർക്ക് അസിസ്റ്റ്, പനോരമിക് വ്യൂ മോണിറ്ററിംഗ്, അഡാപ്റ്റീവ് ക്രൂയിസ് കൺട്രോൾ തുടങ്ങിയ ഫീച്ചറുകൾ പുതിയ ടൊയോട്ട സി-എച്ച്ആർ പ്ലസ് ലഭിക്കും. പുതിയ ടൊയോട്ട സി-എച്ച്ആർ പ്ലസിന് 4,520 എംഎം നീളവും 1,870 എംഎം വീതിയും 1,595 എംഎം ഉയരവും 2,750 എംഎം വീൽബേസുമുണ്ട്. ബി-സെഗ്മെന്റ് ഇലക്ട്രിക് എസ്‌യുവി 416 ലിറ്റർ ലഗേജ് വഹിക്കാനുള്ള ശേഷി വാഗ്ദാനം ചെയ്യുമെന്ന് അവകാശപ്പെടുന്നു.
2025 ന്റെ രണ്ടാം പകുതിയിൽ യൂറോപ്യൻ വിപണികളിൽ പുതിയ ടൊയോട്ട ടൊയോട്ട സി-എച്ച്ആർ പ്ലസ് ആദ്യമായി വിൽപ്പനയ്‌ക്കെത്തും. e-TNGA പ്ലാറ്റ്‌ഫോമിനെ അടിസ്ഥാനമാക്കി, C-HR പ്ലസ് EV, അർബൻ ക്രൂയിസർ EV നും bZ4X നും ഇടയിലായിരിക്കും സ്ഥാനം പിടിക്കുക. ടൊയോട്ട ഇന്ത്യ 2025-26 ൽ അർബൻ ക്രൂയിസർ ഇവി ഇന്ത്യൻ വിപണിയിൽ അവതരിപ്പിക്കും. അതേസമയം ടൊയോട്ട സി-എച്ച്ആർ പ്ലസ് അവതരിപ്പിക്കാൻ പദ്ധതിയില്ല എന്നാണ് റിപ്പോർട്ടുകൾ.
